काठमाडौँ । भारतको अहमदाबादबाट लण्डनका लागि उडेको एयर इण्डियाको विमान दुर्घटनामा परी चालक दलका सदस्यसहित २४१ यात्रुको मृत्यु भएको घटनाले विश्वभर शोकको छायाँ फैलिएको छ।
यस मर्माहत दुर्घटनाप्रति नेपाली कांग्रेसका सभापति तथा पूर्वप्रधानमन्त्री शेरबहादुर देउवाले गहिरो दुःख व्यक्त गरेका छन्। सभापति देउवाले दुर्घटनाबाट भारत, बेलायत, क्यानडा र पोर्चुगलले बेहोर्नुपरेको मानवीय क्षतिप्रति गहिरो सहानुभूति प्रकट गर्दै उक्त मुलुकहरूका सरकार र जनतालाई ऐक्यभाव प्रकट गरेका छन्।
उनले दुर्घटनामा ज्यान गुमाउने सम्पूर्णप्रति भावपूर्ण श्रद्धाञ्जली अर्पण गर्दै दिवंगत आत्माहरूको चीरशान्तिको कामना गरेका छन्। साथै, पीडित परिवारजनप्रति पार्टी र आफ्नो व्यक्तिगत तर्फबाट हार्दिक समवेदना व्यक्त गरेका छन्। नेपाली कांग्रेसका मुख्य सचिव कृष्णप्रसाद पौडेल प्रेस विज्ञप्तिमा उल्लेख गरिएको छ ।
