काठमाडौं । सरुवा भएका निजामती कर्मचारीलाई तोकिएको अवधिभित्र अनिवार्य रूपमा रमाना गर्न संघीय मामिला तथा सामान्य प्रशासन मन्त्रालयले निर्देशन दिएको छ।
मन्त्रालयले मंगलबार सचिवस्तरीय निर्णय गर्दै सरुवा भएर पनि रमाना नलिने वा नदिने प्रवृत्ति अन्त्य गर्न सम्बन्धित निकायलाई आग्रह गरेको हो। मन्त्रालयले तोकिएको अवधिभित्र रमाना गर्ने व्यवस्था मिलाउन निर्देशन दिँदै अन्यथा प्रचलित कानुनबमोजिम कारबाही हुने स्पष्ट पारेको छ।
यसअघि मन्त्रालयबाट सरुवाको निर्णय भए पनि कार्यान्वयनमा ढिलाइ हुने अवस्था देखिँदै आएको थियो। नयाँ व्यवस्थाले सरुवा निर्णयको प्रभावकारी कार्यान्वयन, प्रशासनिक स्थिरता र कर्मचारी व्यवस्थापनमा सुधार ल्याउने अपेक्षा मन्त्रालयले गरेको छ।
