अयोध्या । भारतको अयोध्यास्थित राम मन्दिरको प्राण प्रतिष्ठा अन्तर्गत चौथो दिनको अनुष्ठान चलिरहेको छ ।
सो क्रममा गर्भगृहबाट भगवान् रामको नयाँ तस्बिर सामने आएको हो । प्राण प्रतिष्ठाको अनुष्ठानको चौथो दिन शुक्रबार बिहान ९ बजे अरणी मन्थनबाट अग्नि प्रकट गरिएको छ ।
अग्नि प्रकटपछि चौथो दिनको अनुष्ठान अगाडि बढेको र यज्ञ मण्डपको हवनको प्रक्रिया पनि शुरु हुने बताईएको छ ।
बिहीबार राति भगवानको अनुहार ढाकेर राखिएकोमा शुक्रबार बिहान मूर्ति बाहिर सार्वजनिक गरिएको थियो । उक्त मूर्ति बुधबार नै राम मन्दिरभित्र पुगेको थियो ।
माघ ८ गते सोमबारसम्म प्राण प्रतिष्ठा गरिने उल्लेख छ । मंगलबारदेखि नयाँ मन्दिर सबै भक्तका लागि खुल्ल गरिने जनाईएको छ ।
सोमबारको प्राण प्रतिष्ठाको विशेष कार्यक्रममा आठ हजार अतिथिलाई निम्तो दिइएको छ । भारतीय प्रधानमन्त्री नरेन्द्र मोदी यही प्राण प्रतिष्ठाको पूजाका लागि ११ दिने उपवासमा बसेका छन् ।
यसैबिच सोही अबसरमा यहि माघ ८ गते बुटवल उपमहानगरपालिका १ गढिटोलमा अवस्थित हनुमान मन्दिरबाट भव्य शोभायात्रा निकालिने भएको छ ।
सो अबसरमा सम्पूर्ण भक्तजनहरुलाई उपस्थितिको लागि धार्मिक अभियान्ता मनाेज मित्तलले अनुरोध गर्नुभएकाे छ ।
