अनु खनाल, बुटवल । क्रियाशिल सदस्यता वितरण तथा प्रशिक्षण कार्यक्रम रिब्दिकोट गाउँपालिका वडा न.७ बतासेमा सम्पन्न भएको थियो ।
वडा न.७ का वडा अध्यक्ष कृष्ण कुवँरले संगठनलाई बलियो गराउन हामी एकजुट भएर लाग्नुपर्छ र हजुरहरुको साथ सपोर्टले हाम्रो संगठन बलियो हुन्छ भन्ने बताउनुभयो ।
नेपाली कांग्रेसका जिल्ला सभापति हिमाल दत्त श्रेष्ठले बि.पि को सिद्धान्त र विचारलाई अगाल्दै हिडेयौ भने हामी संगठनलाई बलियो बनाएर कांग्रेस हराइसक्यो भन्नेहरुलाई नेपाली अधिराज्यमा कांग्रेस छ है भन्ने अनुभूति दिलाउन सक्ने प्रतिबद्धता व्यक्त गर्नुभएको थियो ।
जिल्ला सदस्य डा.माधव थापाले प्रशिक्षण दिदै सदस्यताको कार्ड लिगिसकेपछि म कांग्रेस हो म संगठनको कार्यक्रममा सहभागी हुनुपर्छ र हामी सबै एकजुट हुन आवश्यक रहेको बताउनुभयो ।
पुर्व सचिव माधव नेपालले हामी आफ्नो घर र टोलहरुबाट कांग्रेसको सदस्यता छ है भनि हरेक कार्यक्रमहरुमा एकजुट हुन र आफ्नो पार्टीलाई बचाउन सधै तल्लीन रहनुपर्ने बताउनुभयो ।
कार्यक्रममा प्रशिक्षक शोभाकर न्यौपाने ज्यु, गिरिजा गैरे किशोर न्यौपाने ,जिल्ला सल्लाहकार खड्ग बहादुर कुवँर ,किशोर पङगेनि लगायतको उपस्थिति रहेको थियो ।
