रोल्पा । परिवर्तन गाउँपालिकाले विभिन्न लोकसेवा आयोगमा नाम निकाल्ने व्यक्तिहरुलाई सम्मान गरेको छ ।

३६ औं परिवर्तन गाउँपालिका गाउँकार्यपालिकाको निर्णय अनुसार र आर्थिक बर्ष २०८०/०८१ को नीति कार्यक्रम तथा बजेट कार्यक्रम अनुसार र २०८० साउनदेखि अहिलेसम्म लोकसेवा आयोग, शिक्षक सेवा आयोग, संघीय लोकसेवा आयोग, प्रदेश लोकसेवा आयोग र १६ औं राष्ट्रपति रनिङ शिल्ड खेलकुद प्रतियोगिता-२०८० मा सहभागी भइ पदक दिलाउने खेलाडीका अभिभावकलाई सम्मान पत्र र खाँडाले सम्मान गरिएको हो ।

शिक्षक सेवा आयोग तर्फ परिवर्तन गाउँपालिका-४ का प्रेम प्रकाश वली, हरि बहादुर वली, ३ का विकास डाँगी, ५ का मनप्रसाद घर्ती मगर, २ का फम कुमारी वली, मनप्रसाद पुन मगर, दिनेश घर्ती मगर, अनुस्का वली र चन्द्रा डाँगी रहेका छन् । संघीय लोकसेवा आयोग तर्फ प्रगति बुढा मगर परिवर्तन गाउँपालिका-४ पाछाबाङ र धनकुमार वली परिवर्तन गाउँपालिका-५ राङ्कोट रहेका छन् ।

प्रदेश लोकसेवा आयोग तर्फ खुशी बुढा मगर परिवर्तन गाउँपालिका-४ पाछाबाङ, टीका पुन जैसी परिवर्तन गाउँपालिका-३ का विशाल केसी, ५ का आकृति वली र ६ का अञ्जु पुन मगर रहेका छन् । खाद्य व्यवस्थापन तथा व्यापार कम्पन लिमिटेड तर्फ शक्तिराम डाँगी परिवर्तन गाउँपालिका-३ का रहेका छन् ।

खेलाडी तर्फ १६ औं राष्ट्रपति रनिङ शिल्डमा सहभागी भई लमजुङ तर्फ प्रथम हुने गणेश वली परिवर्तन गाउँपालिका-५ ,दौड १०० देखि २०० मिटर प्रथम मुवा डाँगी परिवर्तन गाउँपालिका-३ र उसु प्रथम सम्झना राणा मगर परिवर्तन गाउँपालिका-२ रहेका छन् । उपस्थित भएका अभिभावकलाई प्रमुख अतिथि र गाउँपालिका अध्यक्षले सम्मान पत्र र खाँडले सम्मान गर्नुभएको थियो ।