काठमाडौँ । आईसिसी टी–२० विश्वकप क्रिकेट अन्तर्गत जारी सुपर ८ को खेल अन्तर्गत आइतबार अमेरिका र इङ्ग्ल्यान्डबीच खेल हुँदैछ ।
सुपर ८ को समूह ‘बी’ मा रहेको अमेरिका र इङ्ग्ल्यान्डबीचको खेल केनसिङ्टोन ओभलमा राति ८ः१५ बजेबाट सुरु हुनेछ ।
हालसम्म सुपर ८ मा अमेरिकाले २ खेल खेलेकोमा दुवैमा पराजित भएको छ भने इङ्ग्ल्यान्डले समान २ खेल खेलेकोमा एक खेलमा जित हात पारेको छ र एकमा पराजित भएको छ ।
आजको खेलमा जित निकाल्दै इङ्ग्ल्यान्ड आफ्नो सेमिफाइनलमा पुग्ने सम्भावनालाई जीवितै राख्न चाहन्छ भने अमेरिका सुपर ८ को आफ्नो पहिलो जितको खोजीमा रहने छ ।
आजको खेलमा इङ्ग्ल्यान्डका फिल साल्ट, आदिल राशिद, जोफरा आर्चर र जोस बटलरमाथि सबैको विशेष नजर रहने छ भने अमेरिकाका सौरभ नेत्रवालकर, एरोन जोन्स, हरमित सिंह र एन्ड्रिस गौसमाथि सबैको नजर रहने छ ।
