काठमाडाैं । राष्ट्रिय क्रिकेट टोलीका कप्तान सन्दीप लामिछानेले आफ्नो एक महिनाको तलब प्रधानमन्त्री दैवी प्रकोप उद्धार कोषमा सहयोग गर्ने घोषणा गरेका छन् ।
कप्तान लामिछानेले आइतबार सामाजिक सञ्जालमार्फत बाढीबाट प्रभावितहरूका लागि सहयोग गर्ने बताएका हुन् । त्यस्तै, उनले एसीसी प्रिमियर कप प्रतियोगिताभरि नेपालले लिने हरेक विकेट तथा नेपाली टोलीले प्रहार गर्ने हरेक चौका र छक्काबापत समान १ हजार ५ सय रुपैयाँ सहयोग गर्ने उल्लेख गरेका छन् । यो रकम बाढीबाट प्रभावित बालबालिकाका लागि शैक्षिक सामग्री उपलब्ध गराउन खर्च गरिने उनको भनाइ थियाे ।
नेपाल क्रिकेट संघ (क्यान) को केन्द्रीय सम्झौतामा रहेका ‘ए’ श्रेणीमा रहेका कप्तान लामिछानेले मासिक १ लाख ५० हजार तलब बुझ्दै आएका छन् । यो श्रेणीमा कप्तान लामिछानेसँगै रोहितकुमार पौडेल र दीपेन्द्रिसंह ऐरी रहेका हुन् ।
