गुल्मी । गुल्मीका स्थानीय तहले आर्थिक वर्ष २०८१/२०८२ को लागि कानुनले तोकेको समयमै सभामा करिब सात अरबको बजेट प्रस्तुत गरेका छन ।
हरेक स्थानीय तहले आगामी आर्थिक वर्षको लागि असार १० गते भित्र बजेट प्रस्तुत गर्नुपर्ने कानूनी ब्यबस्था अनुरुप गुल्मी जिल्लाका १२ वटा स्थानीय तहले आगामी आर्थिक वर्ष २०८१/२०८२ का लागि छ अर्ब ७२ करोड ५४ लाख ५७ हजार ६८२ रुपियाँ बराबरको आय-व्यय सहितको अनुमानित बजेट सार्वजनिक गरेका हुन ।
सदरमुकाममा रहेको रेसुङ्गा नगरपालिकाले आगामी आर्थिक बर्षका लागि सबैभन्दा बढी करिब ७९ करोडको बजेट सार्वजनिक गरेको छ।
रेसुंगा नगरपालिकाका प्रमुख खिलध्वज पन्थीका अनुसार नगरपालिकाले शिक्षा, स्वास्थ्य,पर्यटनलगायतका विभिन्न क्षेत्रलाई प्राथमिकतामा राखेर आगामी आर्थिक वर्ष २०८१/२०८२ का लागि कूल ७८ करोड ३५ लाख पाँच रुपियाँ बराबरको अनुमानित बजेट सार्वजनिक गरेको छ ।
यसैगरी आगामी आर्थिक वर्षका लागि मुसिकोट नगरपालिकाले ६९ करोड ६० लाख ९७ हजार ४२५ रुपियाँ बजेट सार्वजनिक गरेको जानकारी नगरप्रमुख जीवन खरेलले दिनु भयो।
सोमबार सार्वजनिक गरिएको बजेट बक्तब्य अनुसार रुरुक्षेत्र गाउँपालिकाले ५६ करोड ९१ लाख ७८ हजार रुपियाँ,धुर्कोट गाउँपालिकाले ५६ करोड २५ लाख ९० हजार ८९२ रुपियाँ र मालिका गाउँपालिकाले ५५ करोड ९२ लाख ५४ हजार रुपियाँ रहेको छ ।
यसैगरी छत्रकोट गाउँपालिकाले ५५ करोड ३६ लाख ८७ हजार ५२३ रुपियाँ बराबरको बजेट पेश गरिएको गाउँपालिका अध्यक्ष रामप्रसाद पाण्डेले बताउनुभयो।
कालीगण्डकी गाउँपालिकाका अध्यक्ष बेद बहादुर थापाले दिनुभएको जानकारी अनुसार आर्थिक वर्ष २०८१/२०८२ को लागि ५४ करोड नौ लाख ९७ हजार रुपियाँ बराबरको बजेट ल्याइएको छ।
इस्मा गाउँपालिकाले आर्थिक वर्ष २०८१/२०८२ को लागि ४५ करोड ५० लाख २९ हजार रुपियाँ बराबरको अनुमानित बजेट प्रस्ताव गरेको गाउँपालिका अध्यक्ष भगतसिंह खडकाले बताउनुभयो।
मदाने गाउँपालिकाकाका अध्यक्ष महेन्द्रबहादुर कुँवरले दिनुभएको जानकारी अनुसार उक्त गाउँपालिकाको आर्थिक वर्ष २०८१/२०८२ को लागि ५० करोड ३८ लाख ९२ हजार रुपियाँ बराबरको अनुमानित बजेट प्रस्ताव गरिएको छ।
गुल्मीदरबार गाउँपालिकाले ४५ करोड ९३ लाख आठ हजार रुपियाँ बराबरको अनुमानित बजेट सार्वजनिक गरेको गाउँपालिका अध्यक्ष सरोज थापाले जानकारी दिनुभयो।
चन्द्रकोट गाउँपालिकाका अध्यक्ष युवराज खत्रीले दिनुभएको जानकारी अनुसार त्यस गाउँपालिकाले आर्थिक वर्ष २०८१/२०८२ को लागि ५० करोड ३४ लाख १० हजार ३४२ रुपियाँ बराबरको बजेट सार्वजनिक गरेको छ ।
यसैगरी सत्यवती गाउँपालिकाले ५३ करोड ८५ लाख आठ हजार ५०० रुपियाँ बराबरको बजेट पेश गरेको जानकारी प्रमुख प्रशासकीय अधिकृत कमलप्रसाद भुसालले बताउनु भयो।
