रुद्रमणि भुसाल,अर्घाखाँची । घरेलु तथा साना उद्योग कार्यालय अर्घाखाँचीको आयोजनामा सन्धिखर्कको रतहले बजार अनुगमन गरिएको छ ।
रतहले बजार लगायतमा रहेका किराना पसल, किराना पसल ,सुपर मार्केट,मासुपसल लगायतका पसल अनुगमन गरिएको घरेलु तथा साना उधोग कार्यालयका प्रमुख सन्तोष खनालले बताउनुभयो । आज १७ वटा पसल अनुगमन गरिएको हो ।
अनुगमनको क्रममा धेरै पुँजी भएरपनि कम पुँजी देखाइ पसलहरु संचालन गरिएका र मुल्यसुची नराखेका, प्रयोग गर्ने सामनको म्याद सकियका सामान जफत गरि सचेत गराउदै दर्ता बिना सचालन भएका पसलाइ १५ दिन भित्र दर्ता गरि संचालन गर्न निदेशन दिएको छ ।
अनुगमनमा सहायक प्रमुख जिल्ला अधिकारी मेघनाथ पाध्य घरेलु तथा साना उधोग कार्यालयका प्रमुख सन्तोष खनाल, करदाता सेवा कार्यालयका कर अधिकृत स्वागत थापा ,प्रहरी सायक निरिक्षक सन्तोष केसी, चेम्बर अफ कमर्शका अध्यक्ष अशोक श्रेष्ठ, उधोग बाणिज्य संघका कोषाध्यक्ष रुद्रप्रसाद श्रेष्ठ, पत्रकार महासंघका कोषाध्यक्ष रुद्रमणि भुसाल, घरेलुका हुम बहादुर बिक लगायतको सहभागीता रहेको थियो ।
