रुद्रमणि भुसाल, अर्घाखाँची । अर्घाखाँचीको चुत्राबेसिमा अबैध अनाधिकृत रुपमा कृषि सहकारीको मल बिक्री गर्न लुकाइ राखेको साँढे ३४ बोरा डिएपी मल घरेलु तथा साना उद्योगको आयोजनामा गरिएको जिल्ला संयुक्त अनुगमन टोलीले नियन्त्रणमा लिएको छ ।
अर्घाखाँची सन्धिखर्क –२ चुत्राबेशीको भुसाल एग्रोभेटबाट साढे १७ बोरा र बन्जाडे एग्रोभेटबाट १७ बोरा गरी जम्मा साँढे ३४ बोरा डिएपी मल अबैध हिसाबले लुकी चोरी गरी बेच्ने र अबैध नाफा कुम्लाउने तबरले अनाधिकृत रुपमा,बिक्री गर्ने गरेको र लुकाइ राखेको अबस्थामा जिल्ला प्रशासन कार्यालय , सन्धिखर्क नगरपालिका, कृषि ज्ञान केन्द्र, जिल्ला प्रहरी कार्यालय, घरेलु तथा साना उद्योग, कोष तथा लेखा नियन्त्रण कार्यालय, उद्योग बाणिज्य संघ, चेम्बरअफ कमर्स,नेपाल पत्रकार रोहबरमा छापा हानी जफत गरिएको घरेलु तथा साना उद्योग कार्यालयका उद्योग अधिकृत सन्तोष खनालले बताउनु भयो ।
नेपाल सरकारले भुमिकास्थानको सहकारीलाई अनुदानमा दिएको उक्त मल कमिसनको चलखेलमा एग्रोभेटहरुलाई बेच्नदिने पाइएको छ । कृत्रिम अभाव खडा गर्ने गरी उक्त पसलहरुले अनाधिकृत रुपमा,बिक्री गर्ने गरेको पाइएको छ । पछील्लो समय युरिया मलको अर्घाखाँचीमा अभाव हुँदा खेती पाती गर्ने सिजनमा मकैमा राख्न ठिक्क परेका किसानहरुले थप सास्ती बेहोर्नु परेको छ ।
अर्घाखाँचीमा युरीया मलको अभाव भएको गुनासो आएपछि जिल्ला प्रशासन कार्यालयका साहयक प्रमुख जिल्ला अधिकारी मेघनाथ पाध्यको नेतृत्वमा गएको अनुगन टोलीले सन्धिखर्कमा रहेका शान्ति बगैचा, फुदबाङ्ग, मिडिया चोक, र चुत्राबेशीमा रहेका अग्रोभेट हरुको अनुगमन गरिएको हो । जफत गरिएको डिएपी तथा कालो मल सन्धिखर्क नगरपालिकामा राखिएको छ ।
