काठमाण्डौ – २० वर्षमुनिको साफ च्याम्पियनसिपको खेल तालिका परिवर्तन भएको छ। पाकिस्तानले आफ्नो नाम फिर्ता लिएपछि हिजो नयाँ खेल तालिका सार्वजनिक गरिएको अखिल नेपाल फुटबल सङ्घ (एन्फा)ले जनाएको छ । च्याम्पियनसिपका सबै खेल त्रिपुरेश्वरको दशरथ रंगशालामा आउँदो भदौ २ गतेदेखि १२ गतेसम्म हुनेछ ।
उद्घाटन खेलमा घरेलु टोली नेपालले श्रीलङकासँग खेल्दै छ । दोस्रो खेलमा भुटान र भारत खेल्नेछन् । समूह चरणको दोस्रो खेलमा नेपालले बङ्गलादेशसँग खेल्नेछ । समूहका शीर्ष २ टोलीले सेमिफाइनल खेल्नेछन् । फाइनल खेल भदौ १२ गते हुनेछ । च्याम्पियनसिपको समूह ‘ए’ मा नेपाल, बङ्गलादेश र श्रीलङ्का छन् भने समूह ‘बी’मा भारत, माल्दिभ्स र भुटान छन् ।
