काठमाण्डौ – श्रीलङ्कासँगको तीन खेलको तेस्रो तथा अन्तिम टी–२० खेलमा भारतले सुपर ओभरमा जितेको छ ।
पाल्लिखेलेमा हिजो भारतले दिएको १ सय ३८ रनको लक्ष्य पछ्याएको श्रीलङ्काले ८ विकेट गुमाएर भेट्टाएपछि खेल सुपर ओभरमा पुगेको हो ।
तीन खेलको श्रृङ्खला यसअघि नै भारतले २–० ले जितिसकेको थियो । अन्तिम खेल पनि जितेर भारतले श्रृङ्खलामा क्लिन स्वीप गरेको छ । पहिलो खेलमा ४३ रनले पराजित घरेलुु टोली दोस्रो खेलमा डकवर्थ लुइस नियमका आधारमा सात विकेटले पराजित भएको थियो ।
अब भोलिदेखि दुई देशबीचको तीन खेलको एकदिवसीय श्रृङ्खला शुरु हुँदैछ । दोस्रो खेल पर्सि आइतवार र तेस्रो तथा अन्तिम एकदिवसीय खेल बुधवार हुनेछ ।
