गुल्मी । गुल्मीको रुरुक्षेत्र गाउँपालिकाको वडा नम्बर २ मा अरिङ्गालको टोकाइबाट एक जना पुरुषको मृत्यु भएको छ ।
जिल्ला प्रहरी कार्यालय गुल्मीका प्रहरी निरीक्षक रामकुमार केसीले दिनुभएको जानकारी अनुसार अरिङ्गालले टोकेर मृत्यु हुनेमा रूरूक्षेत्र गाउँपालिका वडा नम्बर – २ ग्वादी यादुङका ३५ वर्षीय हरि कुँवर रहेका छन ।
बिहीबार साँझ आफ्नै बारीको छेउमा रहेको सालको रुखमा अरिङ्गाल पोल्ने क्रममा अरिङ्गालले शरीरको विभिन्न भागमा टोकेर कुँवर घाईते भएका थिए ।
घाइते हरि कुँवरलाइ उपचारका लागि बिहिवार नै मिसन अस्पताल पाल्पा लगेकोमा शुक्रवार बिहान अस्पतालमा उपचारको क्रममा मृत्यु भएको जानकारी प्रहरी निरीक्षक केसीले दिनुभयो ।
