बुटवल । लायन्स क्लव अफ बुटवल मणिमुकुन्द युथको दोस्रो बोर्ड तथा जनरल बैठक शनिवार बुटवलमा सम्पन्न भएको छ ।
२०२४/०२५ का अध्यक्ष लायन विमल न्यौपानेको अध्यक्षतामा बसेको बैठकले क्लवलाई सामाजिक सेवामा थप प्रभावकारी रुपमा उन्मुख गराउन ध्यान दिन आवश्यक्ता औंल्याइएको छ ।
"लायन्स भनेको सेवा गर्नु हो" भन्ने उद्देश्यलाई अपनत्व गर्नेगरी क्लवको नामलाई उचो राख्ने गरी आ-आफ्नो जिम्मेवारीलाई बहन गर्नुपर्नेमा छलफल गरिएको थियो ।
क्लवले विशेषगरी गुल्मीको रिमुवामा रहेको विद्यालयमा अध्यनरत दृष्टिबिहिन विद्यार्थीहरुलाई छात्रवृत्ति वितरण गर्ने निर्णय गरिएको छ ।
जसको संयोजकमा लायन भुपेन्द्र बहादुर थापा क्षेत्रीलाई तोकिएको छ ।
यस्तै सिद्धबाबामा सोमबार आयोजना गरिएको हे्ल्थ क्याम्पमा लियो क्लव अफ बुटवल मणिमुकुन्द युथलाई समेत सामेल गराएर लायन्स क्लब अफ बुटवल मणिमुकुन्द युथले स्वास्थ्य सेवा कार्यक्रम गर्ने निर्णय गर्नुको साथै क्लबको डाइरेक्टरी प्रकाशन गर्ने सम्बन्धमा चार जनालाई संयोजक तोकिएको छ ।
बैठकमा निवर्तमान अध्यक्ष लायन थानेश्वर अर्याल, संस्थापक अध्यक्ष कमल थापा (क्षत्री), पूर्वअध्यक्षहरु भुपेन्द्र बहादुर थापा (क्षत्री), लक्ष्मण कुँवर र सन्तोषमान सिमानगैंडा लगायत अन्य लायनका पदाधिकारी एवं सदस्यहरुको उपस्थिति रहेको थियो ।
बैठकमा उपस्थितहरुलाई क्लबका तृतीय उपाध्यक्ष लायन माधव ढकालले धन्यवाद ज्ञापन गर्नुभएको थियो भने कार्यक्रमको सहजीकरण क्लबका क्लबका सहसचिव गोविन्द प्रसाद भट्टराईले गर्नुभएको थियो ।
