बुटवल । समाजमा रहेका नकारात्मक तत्वहरुलाई न्युनिकरण गर्न लियो क्लवको उत्तरदायित्व बहन निकै महत्वपूर्ण रहेको आवश्यक्ता औंल्याउँदै लियो क्लब अफ बुटवल मणिमुकुन्द युथका संस्थापक उपाध्यक्ष भरतजंग क्षेत्रीले बताएका छन् ।
आफु बिगत ७ वर्षदेखि सामाजिक कार्यमा लागेको र समाज परिवर्तन गर्नका निम्ति क्लवको माध्यमबाट योगदान दिन खोजेको भन्दै सामाजिक र मानवीय कार्य गर्न पाउँदा आनन्द आउने बताए ।
सोमबार लियो क्लब अफ बुटवल मणिमुकुन्द युथले बुटवल उपमहानगरपालिका वडा न १५ स्थित रहेको सु्द्धोधन इंगिलस बोडिङ्ग स्कुलमा आयोजना गरेको रक्त समुह परिक्षण कार्यक्रम बोल्दै क्षेत्रीले यस्तो बताएका हुन् ।
रुपन्देहीको तराई क्षेत्रमा अझै शिक्षाको पहुँच र जनचेतनाको कमि भएकाले आफ्नो ब्लड ग्रुप कुन हो भनेर थाहाँसमेत नपाएको हुँदा रगत व्यवस्थापनमा समस्या हुने भएकाले रक्तसमुह पहिचान कार्यक्रम राखिएको क्लवका अध्यक्ष लियो रविन सुनारले बताए ।
उनले रक्तसमुह पहिचान नहुँदा आपतकालिन अवस्थामा रक्तदान गर्ने दाताहरु नै सेवा गर्नबाट बञ्चित हुनु परेकाले आफुहरु पहिचान गर्ने कार्यक्रम राखिएको सुनाए ।
मानवीय उत्तरदायित्व बहन गर्दै आफुले प्राथमिक शिक्षा आर्जन गरेको विद्यालयमा उक्त कार्यक्रम राखेर विद्याथीहरुको रगतको ग्रुप जाँच गरिएको बताईएको छ ।
कार्यक्रममा बोल्दै आफुले कखरा पढेको विद्यालयलाई सम्झेर विद्यार्थीहरुको रक्त समुह परिक्षण कार्यक्रम आयोजना गरेको भन्दै विद्यालयका प्राचार्य विशाल चौधरीले बताए ।
कार्यक्रममा बोल्दै लियो क्लब अफ बुटवल खस्यौलीका अध्यक्ष केशव खनालले संस्थाका हरेक गतिविधि संग नजिकिएर उत्कृष्ट कार्यहरु उदाहरणीय रहेको हुनाले सबै मिलेर निरन्तरता दिनुपर्नेमा जोड दिए ।
कार्यक्रम संयोजक लियो अभिनास पल्ली मगरले गरेका थिए भने क्लबका सचिब सुरेश पोख्रेलको सञ्चालनमा गरेका थिए ।
