अनु खनाल, बुटवल । तिलोत्तमा नगरपालिका नेपाल भूतपुर्व सैनिक संघको दोस्रो अधिवेशन तथा भेला समिति गठन कार्यक्रम सम्पन्न भएको छ ।
कार्यक्रमका अध्यक्ष गोपाल थापाले भन्नुभयो, बि.पि कोइरालाले भनेझै हामी एकजुट हुनुपर्छ गरिबी अशिक्षित भ्रष्टाचार लगायतका समस्याहरू समाधानमा धेरै संघर्ष गर्नुपर्छ । लोकतन्त्र बलियो भए सबै बलियो हुन्छ । भुपुलाई एक ठाउँमा संङगठित गराउनुपर्छ ।
प्रमुख अतिथि गंगा शाहीले सम्पूर्णलाई शुभकामना दिदै आजको नेतृत्वले पार्टी बलियो बनाएर आफ्नो सैनिक संघको विकास हुनुपर्ने बताउनुभयो । उहाँले अब आउने कार्यसमितिलाई राम्रो नेतृत्व गरेर अगाडी बढन शुभकामना दिनुभएको थियो ।
विशिष्ट अतिथि तिलोत्तमा नगरपालिकाका नगर प्रमुख रामकृष्ण खाँणले भन्नुभयो, अब हामीले भुपुहरुलाई संगठित गराएर नेपाली कांग्रेस र भुपु सैनिक एउटै पाटाका दूईवटा सिक्का हुन भुपुहरुले कमिस्टलाई मान्दैनन् कमिस्टले भुपुलाई मान्दैनन् भुपुहरु दिर्घायु पनि हुनुहुन्छ । उहाँले अब आउने नयाँ कार्यसमितिले यस नगरको नेतृत्व लिएर अगाडी बढन शुभकामना दिनुभएको थियो ।
अतिथि शिक्षा विज्ञान प्रविधिका उपाध्यक्ष टेक बहादुर थापाले यस भुपु सैनिकले भाद्री संगठन गठन गरेको बताउनुभयो । उहाँले नेपाल भुतपुर्व सैनिक संघले गरेको योगदानको उच्च कदर गर्दै आफुभित्र रहेको क्षमतालाई एकरुपतामा अगाडी बढाएको र अब आउने नयाँ नेतृत्वले राम्रो कामहरु गर्दै जाओस भनी शुभकामना व्यक्त गर्नुभएको थियो ।
नयाँ कार्यसमितिको अध्यक्षमा क्याप्टेन नर बहादुर कार्की, सचिवमा लाल बहादुर कार्की, कोषाध्यक्षमा क्याप्टेन कृष्ण बहादुर कार्की, लगायत १५ जना सदस्यहरु कार्यसमितिमा चयन हुनुभएको छ । निर्वाचन मन्डलमा कुल बहादुर के.सि , राम बहादुर भण्डारी, लाल बहादुर भण्डारी रहनुभएको छ ।
