काठमाडौं । शिक्षा, विज्ञान तथा प्रविधि मन्त्रालयले आजदेखि देशभर तीन दिनसम्म विद्यालय बिदा दिन स्थानीय तह लगायत सम्बन्धित निकायलाई आग्रह गरेको छ ।
अविरल वर्षाका कारण विद्यालय भवनहरुमा क्षति भएको, विद्यार्थी तथा अभिभावकहरु बाढी पहिरोको चपेटामा परेको र यातायात पनि अवरुद्ध भएका कारण विद्यालय बिदा दिन स्थानीय तहहरुलाई आग्रह गरेको हो ।
कार्यबाहक प्रधानमन्त्री प्रकाशमान सिंहको अध्यक्षतामा बसेको विपदसम्बन्धी आकस्मिक बैठकले हाललाई विश्वविद्यालय लगायत सबै शैक्षिक संस्थाको परीक्षा स्थागित गरी परिवेश आंकलन गरेर उपयुक्त समयमा सञ्चालन गर्न अनुरोध गर्ने निर्णय गरेको थियो ।
मन्त्रालयका प्रवक्ता लक्ष्मीप्रसाद भट्टराईका अनुसार विद्यालय भवनमा आकस्मिक व्यवस्थापन गर्नुपर्ने भएकाले तीन दिन विद्यालय बन्द गर्न स्थानीय तहलाई अनुरोध गरिएको हो ।
