गुल्मी । बिहिवार देखि परेको अविरल वर्षाका कारण पहिरो जाँदा कालीगण्डकी करिडोर सडक अवरुद्ध भएको छ ।
गुल्मी जिल्लाको कालीगण्डकी गाउँपालिकाको हर्मिचौर अर्बेनी सडक खण्डको लत्रेमा भन्ने स्थानमा सडकमाथिबाट ठूलो ढुङ्गासहितको पहिरो खसेपछि अहिले सडक अवरुद्ध भएको जिल्ला प्रहरी कार्यालय गुल्मीका सुचना अधिकारी तथा प्रहरी नायव उपरीक्षक शंकर पोखरेलले बताउनुभयो ।
अहिले उक्त क्षेत्रमा सडक खुलाउन दुईवटा एक्साभेटर प्रयोग भैरहेको र ढुङ्गासहितको ठूलो पहिरो रहेकाले सडक खुलाउन केहि समय लाग्ने सुचना अधिकारी तथा प्रहरी नायब उपरीक्षक पोखरेलले जानकारी दिनुभयो ।
सडक अवरुद्ध हुँदा पुर्तिघाटदेखि बुटवलसम्म लामो तथा छोटो दूरीका सवारी साधनहरु चल्न सकेका छैनन् ।
