काठमाडौं । दाङमा प्रहरीले राप्ती नदीमा खसेका एक किशोरको सकुशल उद्धार गरेको छ ।
सोमबार बिहान करिब साढे ६ बजेतिर राप्ती गाउँपालिका–३ स्थित खुरुरियामा रहेको झोलुङेपुलबाट राप्ती नदीमा खसेका १३ वर्षीय सुधन चौधरीको उद्धार गरेको जिल्ला प्रहरी कार्यालय दाङका प्रहरी नायब उपरीक्षक इश्वर थापाले जानकारी दिएका छन् ।
उनका अनुसार सोही ठाउँ निवासी चौधरी नदीमा बगेका दाउरा निकाल्ने क्रममा नदीमा खसेका थिए । नदीमा खसेर पानी नभएको बिच भागमा फसेका चौधरीलाई इलाका प्रहरी कार्यालय भालुवाङ र ज्वालामाई गण सशस्त्र प्रहरी भालुवाङबाट खटिएको प्रहरी टोलीले सयुक्त रुपमा उद्धार गरेको थियो ।
