भैरहवा । रुपन्देहीको सिद्धार्थनगर नगरपालिकाले उद्योगी ब्यवसायीलाई सहज सेवा उपलब्ध गराउने उदेश्यले घुम्ति शिविर सुरु गरेको छ ।
नगर क्षेत्रभित्र रहेका उद्योग एवंम व्यवसाय फर्मको दर्ता, व्यवसायीकरण, नवीकरण सम्बन्धी सबै सेवा वडा, टोलबाट प्रदान गर्ने गरी सिविर सचांलनमा ल्याईएको नगरपालिकाका राजश्व शाखा प्रमुख कमलकान्त खनालले जानकारी दिए ।
उनका अनुसार आईतबारबाट सुरु गरिएको यो शिविर आगामी मंसिर २४ गतेसम्म विभिन्न वडाहरुमा सचांलन हुने छ । शिविर सबै वडास्तरमा सचांलन गरिने छ ।
शिविरको आईतवार वडा नं ७ मा सुुरुवात गर्दै सिद्धार्थनर नगरपालिकाका प्रमुख ईस्तियाक अहमद खाँले दर्ता, ईजाजत नलिई सचांलन भैरहेका वा लामो समय देखि नविकरण नगरेका व्यवसायिलाई घुम्ति शिविर मार्फत लाभ लिन आग्रह गरे ।
उनले व्यवसाय कर दर्ता नभएका वा व्यवसाय कर वक्यौता बुुझाउन बाँकी रहेका फर्महरुलाई आगामी पुस मसान्त सम्मको लागि लाग्ने जरिवानामा शतप्रतिशत र करमा आंशिक छुट समेत रहेकाले समयमा नै उक्त छुट सुविधाको उपभोग गर्न समेत आग्रह गरे ।
शिविर कार्तिक ४ देखी ६ गतेसम्म वडा नं ७, ७ देखी ९ सम्म वडा नं ९, ११ देखी १२ सम्म वडा नं २, २७ देखी २९ सम्म वडा नं ८ मा सचांलन हुुने छ । त्यस्तै मसिंर २ गते देखी ४ सम्म वडा ६, ५ देखी ७ सम्म वडा नं १२, ९ देखी ११ सम्म वडा नं ५ र १३ तथा मसिंर १२ मा वडा नं ११ मा सचांलन हुने छ ।
त्यस्तै मंसिर १३ मा वडा नं १०, १४ र १६ मा वडा नं ४, १७, १९ र २० मा वडा नं ३ मा सचांलन हुने छ । मंसिर २१, २३ र २४ मा वडा नं १ मा शिविर सचांलन हुने छ ।
नगरपालिकाका प्रमुख प्रशासकिय अधिकृत जनक थापाले सिद्धार्थनगरको १६औं नगरसभाबाट स्वीकृत नीति तथा कार्यक्रम बमोजिम आर्थिक बर्ष २०८१/०८२ लाई कर सहभागिता बर्ष घोषणा गरिएको र यसलाई प्रभावकारी बनाउन शिविर सचांलन गरिएको बताए ।
