काठमाडौँ । “नेपाल तरुण दल महाधिवेशन केन्द्रीय निर्देशन समिति” को बैठक नेपाली कांग्रेसका सहमहामन्त्री एवं समितिका संयोजक महालक्ष्मी उपाध्याय “डिना” को सभापतित्वमा आज पार्टी केन्द्रीय कार्यालयमा सम्पन्न भएको छ ।
बैठकमा केन्द्रीय सदस्य एवं समितिका सदस्य मा.सरिता प्रसाई र मा.जितजंग वस्नेत, नेपाल तरुण दल केन्द्रीय तदर्थ कार्यसमितिका अध्यक्ष विद्धान गुरुङ्गको उपस्थिति रहेको थियो । बैठकले देहाय बमोजिम निर्णय गरेको छ ।
निर्णयहरु:
१. नेपाल तरुण दल महाधिवेशन केन्द्रीय निर्देशन समिति गठन भएकोमा केन्द्रीय कार्यसमिति र केन्द्रीय सभापति मा.शेरबहादुर देउवाज्यूप्रति धन्यवाद सहित हार्दिक आभार व्यक्त गर्ने ।
२. नेपाल तरुण दलको महाधिवेशन र सांगठनिक गतिविधि सम्बन्धमा छलफल ।
३. समितिको आगामी बैठक २०८१ कार्तिक १३ गते दिनको २ः०० बजे पार्टी केन्द्रीय कार्यालयमा पुनः बस्नेछ ।
बैठकले माथिका निर्णयहरु गरेको कांग्रेस पार्टी कार्यालयका मुख्य सचिव कृष्णप्रसाद पौडेलद्धारा जारी विज्ञप्तिमा उल्लेख गरिएको छ ।
