काठमाडौं । सिआईबीले सूर्यदर्शन सहकारी ठगी प्रकरणमा जिबी राईका निकट मानिएका नेचर हर्ब्स इन्टरनेश्नलका सञ्चालक रामबहादुर खनाललाई पक्राउ गरेको छ ।
खनाल तनहुँको बगालेफाँटका स्थायीवासी हुन् । पक्राउ परेका खनाल जिबी राईको कम्पनी गोरखा ग्रुप अफ कम्पनीका लगानीकर्ता (शेयरधनी) पनि हुन् ।
उनी काठमाडौंको पानीपोखरीबाट पक्रार परेका हुन् । उनलाई आजै कास्की पठाईएको छ । सहकारी ठगी प्रकरणमा प्रहरीको खोजी सुचिमा रहेका जिबी राई भने अहिलेसम्म फरार छन् ।
यद्धपी यो ठगी प्रकरणमा प्रहरीले पूर्व गृहमन्त्री रवि लामिछानेलाई पक्राउ गरेर अनुसन्धान थालेपनि जिबीपनि ढिलो/चाँडो पक्राउ पर्ने सहकारी पीडितहरुको विश्वास छ ।
पछिल्लो समय जिबीले केही मिडियालाई इमेलमार्फत आफू पीडितहरुको रकम फिर्ता गर्न तयार रहेको र अनुसन्धानलाई सघाउनपनि तयार रहेको सन्देश प्रवाह गरेका छन् ।
तर, उनले आफू रवि लामिछाने र उनको टिमको कारण समस्यामा परेको भनेर इमेलमा भनेको कुरा मिडियामार्फत खुलासा भएको छ ।
