काठमाडौँ । उसुको थाउलो विश्वकपमा नेपाली खेलाडी विजय सिंजालीले कांस्य पदक जितेका छन् ।
जापानको योकाहा शहरमा चलिरहेको उसुको तेस्रो थाउलो विश्वकपमा सिंजालीले ऐतिहासिक कांस्य पदक जितेका हुन् ।
आज बिहान सकिएको प्रतिस्पर्धामा उनले ९ दशमलव ६३६ अङ्क प्राप्त गर्दै कांस्य पदक जितेका हुन् । नौ जना खेलाडीबीच प्रतिस्पर्धा भएकोमा सिंजालीले अमेरिका, मेक्सिको, बेलायतलगायत ६ वटा देशका खेलाडीलाई पछि पारे । यो प्रतिस्पर्धामा मलेसियाका वेन सन वोङले स्वर्ण पदक र जापानका मोटोयोशी अराकीले रजत पदक जितेका छन् ।
उसुको थाउलो विश्वकपमा नेपालबाट सिंजालीसहित दीपक हमाल, निमा घर्ती मगर, पासाङ शेर्पा र राजिव तामाङ छन् । अहिलेसम्म सिंजालीले मात्र पदक जितेका छन् ।
