काठमाडौं। नेपाल प्रिमियर लिगको उपाधिको लागि आज सुदूरपश्चिम रोयल्स र जनकपुर बोल्ट्स भिड्दैछन् । आजको खेल दिउँसो सवा १२ बजेदेखि सुरु हुनेछ । उपाधि भिडन्तअगाडि सुदूरपश्चिम र जनकपुरबीच भएका दुई वटा प्रतिस्पर्धा सुदूरपश्चिमले जीत हात पारेको थियो ।
सुदूरपश्चिमले जनकपुरलाई लिगमा ७३ रन र पहिलो क्वालिफायरमा ८ विकेटको फराकिलो अन्तरले हराएको थियो। आन तेस्रोपल्ट यी दुई टोली आमनेसामने हुँदै छन्।
दीपेन्द्रसिंह ऐरीले कप्तानी गरिरहेको सुदूरपश्चिम जारी एनपीएलकै सबैभन्दा लयमा रहेको टिम हो । यता, जनकपुर पनि सन्तुलित टिमका रुपमा देखिएको छ । लिगमा जनकपुरको कप्तानी अनिल साहले गरेका थिए । अहिले चोटका कारण टिमको कप्तानी आसिफ सेखले गरिरहेका छन् ।
उपाधि भिडन्तमा जनकपुर यसअघि प्राप्त नमिठो हारको बदला लिने उद्देश्यसहित मैदान उत्रने छ । उता सुदूरपश्चिम सोच आफ्नो लयलाई कायम राख्दै उपाधि हात पार्ने दाउमा छ ।
