काठमाडौं । नेपाली कांग्रेसको केन्द्रीय कार्यसमितिको बैठक दिउँसो १ बजे केन्द्रीय कार्यालय सानेपामा बस्दै छ ।
बैठकमा समसामयिक राजनीतिक विषय, कार्यसम्पादन समिति बैठकबाट भएका निर्णयहरू अनुमोदनका लागि पेश गर्ने, साङ्गठनिक कार्ययोजना र कार्यतालिकासम्बन्धी प्रस्ताव, नीति अधिवेशन सम्बन्धमा छलफल, पार्टीको निर्वाचन परिचालन समितिले तयार गरेको प्रतिवेदन प्रस्तुत लगायतका विषयमा छलफल हुने कार्यसूची रहेको जनाइएको छ ।
यसै गरी सरकारमा पार्टीको भूमिकाबारे उपसभापति एवं उपप्रधानमन्त्री पूर्णबहादुर खड्काले जानकारी गराउने र प्रतिनिधि सभा बैठकमा पार्टीको भूमिकाबारे संसदीय दलका प्रमुख सचेतक रमेश लेखकले जानकारी गराउने कार्यसूची रहेको जनाइएको छ ।
