गुल्मी । रेसुङ्गा नगरपालिकाको कार्यपालिका बैठकले तीन विधेयक सर्वसम्मत पारित गरेको छ ।
आइतबार तम्घासमा बसेको रेसुंगा नगरपालिकको १६ औं नगरसभाको दोस्रो बैठकले तीनवटा विधेयक पारित गरेको हो ।
रेसुंगा नगरपालिका नगरप्रमुख खिलध्वज पन्थीले निर्णयार्थ पेश गर्नुभएको पर्यटन विकास विधेयक २०८१, रेसुंगा नगरपालिका बजार व्यवस्थापन तथा अनुगमन विधेयक २०८१ र रेसुंगा नगरपालिकाको स्थानीय वन विधेयक २०८१ नगरसभामा सर्वसम्मत पारित भएको हो ।
पौष ९ गते सम्पन्न पहिलो बैठकमा विधायन समितिका संयोजक कृष्णप्रसाद पाण्डेले पौष ९ गते सम्पन्न पहिलो बैठकमा यी तीनवटा विधेयक नगरसभामा प्रस्तुत गर्नुभएको थियो ।
छलफल र अध्ययन पछि आजको बैठकमा रेसुंगा नगरपालिका नगरप्रमुख खिलध्वज पन्थीले विधेयक पारितका लागि प्रस्ताव निर्णयार्थ प्रस्तुत गर्नुभएको थियो ।
रेसुंगा नगरपालिका बजार व्यवस्थापन तथा अनुगमन विधेयक २०८१ मा सभासदस्य यज्ञमूर्ती थापा श्रीसले नगरपालिका भित्र सञ्चालन गरिने मेला, महोत्सवको आय अग्रिम नगरपालिकालाई बुझाउनुपर्ने सुझाव सहित सर्वसम्मत पास भएको थियो।
त्यस्तै नगरसभामा प्रस्तुत भएको रेसुंगा नगरपालिकाको स्थानीय वन विधेयक २०८१ मा नगर सभासदस्य कृष्णप्रसाद भण्डारीले सुझाव पेश गर्नुभएको थियो ।
सभामा बोल्ने वक्ताहरुले रेसुंगा नगरपालिका तम्घास बजारको फोहोरमैला व्यवस्थापन गर्न डम्पिङ सानो भएकोले यसको समयमै अध्ययन गरि समस्याको समाधानका लागि सुझाव प्रस्तुत गर्नुभएको थियो।
