गुल्मी । ४३ औ राष्ट्रिय मगर एकता दिवसको अवसरमा फागुन १५ गते बिहिवार गुल्मी जिल्लाका सात स्थानीय तहले सार्वजनिक बिदा दिने निर्णय गरेका छन ।
जिल्लाका दुई नगरपालिका र १० गाउँपालिका गरि १२ स्थानीय तह मध्य सात वटा स्थानीय तहले ४३ औ राष्ट्रिय मगर एकता दिवसको अवसरमा फागुन १५ गते सार्वजनिक बिदा दिने निर्णय गरेका हुन ।
गुल्मी जिल्लाका रेसुंगा नगरपालिका,चन्द्रकोट,कालीगण्डकी, सत्यवती, गुल्मीदरबार, मालिका र छत्रकोट गाउँपालिकाले सार्वजनिक सुचना प्रकाशन गरि बिदा दिएको जानकारी दिएका छन ।
उक्त दिन गाउँपालिकासहित वडा कार्यालयहरु, स्वास्थ्य संस्था, शिक्षण संस्थालगायत संघ,संस्थाहरु बन्द रहने स्थानीय तहले जारी गरेको सुचनामा उल्लेख गरिएको छ ।
पालिकामा बसोवास गर्ने विभिन्न जातजातीहरुको मौलिक,धर्म संस्कृतिलाई संरक्षण गर्नु पालिकाको दायित्व भएकोले स्थानीय तहहरुले प्रदेश सरकारले निर्माण गरेको कानून अनुसार वर्षमा एक दिन मात्र बिदा दिन सक्ने भएकाले यसलाई आफूहरुले कार्यन्वयन गरेको बताएका छन ।
