गुल्मी । स्वतन्त्र विधार्थी युनियनको निर्वाचनमा गुल्मी जिल्लाको शैक्षिक धरोहर भनेर चिनिएको रेसुङ्गा बहुमुखी क्याम्पसमा जिल्लाका तिन ठुला दल नेपाली काग्रेस,नेकपा एमाले,माओवादी केन्द्र निकट विद्यार्थी संगठनको संयुक्त प्यानलबाट नेपाल विधार्थी संघले नेतृत्व लिएको छ।
देशभर झै गुल्मीमा पनि सत्तारुढ दल नेपाली कांग्रेस निकट नेपाल विद्यार्थी संघ र नेकपा एमाले निकट अनेरास्वुवियुको तालमेल गर्ने दुई संगठनले निर्णय गरेको भएपनि शैक्षिक क्षेत्रका सरोकारवालाहरुले क्याम्पसको सर्वोपरी हितलाई मध्यनजर गरी गुल्मी जिल्लाका अधिकाश क्याम्पसमा साझा प्यानल बनाइ अघि बढाइएको छ।
जिल्लाको सदरमुकाम तम्घासमा रहेको रेसुङ्गा बहुमुखी क्याम्पसमा राजनैतिक वातबरण नविथोलिने गरी विधार्थी संघसंगठनका नेतृत्व वर्ग बसेर साझा प्यानलबाट त्यस क्याम्पसमा निर्विरोध स्वविुयु कार्यसमिति घोषणा गर्ने निर्णय भएको बताएको नेपाल विधार्थी संघका केन्द्रिय सदस्य झबिन्द्र पाण्डेले बताउनुभयो ।
रेसुङ्गा बहुमुखी क्याम्पसमाका उपप्राध्यापक तथा स्ववियु निर्वाचन अधिकृत गोपाल प्रसाद पाण्डेले दिनुभएको जानकारी अनुसार संयुक्त प्यानलबाट नेपाल विधार्थी संघका सुदिप खत्री अध्यक्षमा निर्विरोध निर्वाचित भएका छन यसैगरी सचिवमा अनेरास्ववियुका निशान टण्डन र कोषाध्यक्षमा नेवि संघका बिश्वास बञ्जाडे निर्विरोध भएका छन ।
सदस्यहरुमा नेवि संघकी अनिता पाण्डे र खुमबहादुर खत्री , अनेरास्वुवियु क्रान्तिकारीका सागर सुनार, अनेरास्ववियुबाट सन्तोष भण्डारी , नेवि संघबाट सुष्मा पन्थी निर्विरोध भएका छन ।
त्यस्तै कार्य समितिमा समानुपातिकबाट नेवि संघका सुशिल पन्थी, बिशाल पाण्डे,अनेरास्वुवियुबाट अस्मिता सदा , विनिता कार्की र मुनाल अधिकारी, अनेरास्ववियु क्रान्तिकारीबाट प्रियांका पन्थी, र अमृता सुनार निर्विरोध निर्वाचित भएका छन ।
