रोल्पा । रोल्पाको परिवर्तन गाउँपालिकाले आर्थिक बर्ष २०७९/०८० को योजना तथा कार्यक्रमको सार्वजनिक सुनुवाई कार्यक्रम गर्ने भएको छ।शुक्रबारका दिन गाउँपालिकाको केन्द्र पुतलाचौरमा आफ्नै बहुउद्देश्यीय सभाहलमा सार्वजनिक सुनुवाइ गर्न लागेको हो।
सार्वजनिक सुनुवाई कार्यक्रममा वडाध्यक्ष तथा वडा सचिवहरु लगायत वडामा रहेका पूर्व अध्यक्षहरु,टोल विकास संस्थाका संयोजकहरु,वडा स्तरीय खेलकुद विकास समितिका अध्यक्षहरु, विद्यालयका प्रधानाध्यापकहरु,युवा क्लबका अध्यक्षहरु र आमा समूहका अध्यक्षहरुलाई शुक्रबारका दिन ठिक ११ बजे उपस्थित भइदिन परिवर्तन गाउँपालिकाका प्रमुख प्रशासकीय अधिकृत प्रेम जि.एम द्वारा हस्ताक्षर गरिएको सूचनामा उल्लेख गरिएको छ।
स्थानीय सरकार सञ्चालन ऐन २०७४ को दफा ७८ को ५ बमोजिम छ/छ महिनामा सार्वजनिक सुनुवाइ गर्ने व्यवस्था अनुसार परिवर्तन गाउँपालिकाले आर्थिक बर्ष २०७९/०८० को योजना तथा कार्यक्रम गर्न लागिएको परिवर्तन गाउँपालिकाले जनाएको छ।
