वासिङ्टन डीसी । लस एन्जलसका मेयर करेन बासले आप्रवासनविरुद्ध छापेमारीको विरोध प्रदर्शनलाई सम्बोधन गर्न लस एन्जलसमा आंशिक कर्फ्युको घोषणा गरेकी छन् ।
‘आज राति ८ बजेदेखि भोलि बिहान ६ बजेसम्म कर्फ्यु लागु हुनेछ’ बासले भनिन् ।
शहरभरि धेरै क्षति भएकोले यो आवश्यक भएको उनले बताइन् । सहरमा बढ्दो अशान्ति पछि जीवन बचाउन र सम्पत्तिको सुरक्षा गर्न कर्फ्यु आवश्यक उपाय भएको लस एन्जलसका प्रहरी प्रमुख जिम म्याकडोनेलले बताए ।
कसैले यस अवधिमा कर्फ्यु तोड्यो भने उसलाई पक्राउ गरिने उनको भनाइ छ । शनिबार २७ जना, आइतबार ४० जना, सोमबार ११४ जना र आजसम्म १९७ जनालाई पक्राउ गरिएको पनि उनले बताए । वार्ताका लागि राष्ट्रपति ट्रम्पसँग सम्पर्कमा रहेको बासले बताएकी छिन् ।
