काठमाडौँ । नेपाली कांग्रेस केन्द्रीय कार्यसमितिले असार ४ मा बसेको आकस्मिक बैठकले वरिष्ठ नेता, पूर्व केन्द्रीय सदस्य, पूर्व मन्त्री र समाजवादी चिन्तक ढुण्डिराज शास्त्री को काठमाडौं मेडिकल कलेजमा उपचारकै क्रममा ८९ वर्षको उमेरमा २०८२ असार २ मा निधनप्रति गहिरो दुःख व्यक्त गर्दै हार्दिक श्रद्धाञ्जली अर्पण गरेको छ। सो अवसरमा पार्टी सभापति शेरबहादुर देउवालगायतका नेताहरूले शास्त्रीको पार्थिव शरीरमा श्रद्धाञ्जली अर्पण गरेका छन् ।
प्रस्तावका मुख्य बुँदाहरू
-
स्वर्गीय शास्त्रीको जीवनी र योगदान:
-
विद्यार्थी जीवनदेखि नै कांग्रेसमा सक्रिय, प्रजातन्त्र पुनर्स्थापनाको संघर्षमा जेल जीवन र भारत प्रवास ।
-
बी.पी. कोइरालाका अनुयायी, समाजवादी चिन्तक र प्रजातान्त्रिक समाजवादका व्याख्याता ।
-
वि.सं. १९९३ जेठ २५ (अर्घाखाँची–२) जन्मिएका, २०४८ र २०५१ मा प्रतिनिधि सभा सदस्य निर्वाचित ।
-
राष्ट्रियता, प्रजातन्त्र र समाजवादप्रतिको अटुट निष्ठा र समर्पणका लागि कांग्रेसले उच्च सम्मान व्यक्त गरेको छ ।
-
-
नेताबाट पार्टीलाई गुमाउने क्षति:
-
एक अग्रज, बौद्धिक र अनुभवी नेता गुमाउनु दुःखद् ।
-
संगठन निर्माण, सुदृढीकरण, लोकतान्त्रिक प्रतिबद्धता र समाजवादी विचार प्रवद्र्धनमा उहाँको योगदान अविस्मरणीय रहेको बैठकले जनाएको छ ।
-
-
शोक कार्यक्रमका निर्णयहरू:
-
एक मिनेट मौन धारण ।
-
असार ४, ५ र ६ मा पार्टीका सबै कार्यालयमा झण्डा आधा झुकाउने ।
-
असार ५ मा केन्द्रीय, प्रदेश र जिल्ला कार्यालयहरू बन्द रहने ।
-
स्वर्गारोहणको १३ दिनसम्म कार्यालयहरूमा शोक पुस्तिका राखिने ।
-
१३औँ दिनपछि सम्बन्धित जिल्लामा शोकसभा आयोजना गरिने उल्लेख गरिएको छ ।
-
