दाङ l नेपाली कांग्रेस लुम्बिनी प्रदेश कार्यसमितिको पूर्ण बैठक अषाढ १३ गते बिहान ११ बजे लमहीस्थित होटल आश्रयमा बस्ने भएको छ। नेपाली कांग्रेस लुम्बिनी प्रदेश कार्यालयद्वारा जारी सूचनामा बैठकमा समसामयिक राजनीतिक विषय, प्रदेश सरकार र पार्टी सञ्चालन सम्बन्धी अन्तरक्रिया, तथा केन्द्रमा पेश गरिने प्रतिवेदन सम्बन्धी छलफल गरिने उल्लेख छ ।
बैठकमा प्रदेश कार्यसमिति, संसदीय दल, जिल्ला सभापति, भ्रातृ संगठन, प्रदेशका मन्त्री तथा सांसदहरूलाई अनिवार्य रूपमा उपस्थितिका लागि अनुरोध गरिएको छ ।
बैठकको सूचना नेपाली कांग्रेस लुम्बिनी प्रदेशका महामन्त्री बिक्रम खनालले जारी गरेका हुन् ।
