काठमाडौं । प्रधानमन्त्री केपी शर्मा ओलीले सातदोबाटोस्थित अन्तर्राष्ट्रिय खेलकुद परिसरमा राष्ट्रिय खेलकुद परिषद्ले निर्माण गरेको ‘नेशनल हाई परफमेन्स सेन्टर एण्ड स्पोर्ट्स साइन्स ल्याब’को उद्घाटन गरेका छन् ।
राष्ट्रिय खेलाडीहरूको क्षमता अभिवृद्धिको लक्ष्यसहित निर्माण गरिएको यो अत्याधुनिक केन्द्र ७ हजार ५ सय ७८ स्क्वायर फिट क्षेत्रफलमा फैलिएको छ ।
यस सेन्टरमा एकैपटक १०० जना खेलाडीले प्रशिक्षण लिन सक्ने सुविधा रहेको जनाइएको छ। खेलाडीको शारीरिक, मानसिक र वैज्ञानिक विश्लेषणका आधारमा दक्षता विकासमा सहयोग पुग्ने अपेक्षा गरिएको छ ।
