काठमाडौं । एशिया कप टी–२० क्रिकेटमा पाकिस्तानले विजयी सुरुआत गरेको छ । गएराति दुबईमा भएको खेलमा ओमान ९३ रनले पराजित भयो । जितका लागि एक सय ६१ रनको लक्ष्य पछ्याएको ओमान १६ ओभर चार बलमा ६७ रनमा अलआउट भयो ।
त्यसअघि टस जितेर पहिला ब्याटिङ गरेको पाकिस्तानले निर्धारित २० ओभरमा सात विकेट गुमाएर एक सय ६० रन बनाएको थियो । आठ वटा टोली सहभागी प्रतियोगिताको समूह ‘ए’ मा भारत, यूएई, पाकिस्तान र ओमान छन् । यस्तै समूह ‘बी’ मा अफगानिस्तान, हङकङ, बङ्गलादेश र श्रीलङ्का छन् । एशिया कपको फाइनल खेल आउँदो सेप्टेम्बर २८ अर्थात् असोज १२ मा हुनेछ ।
