काठमाडौं– नेकपा एमालेकी केन्द्रीय सदस्य नविना लामाले पूर्वराष्ट्रपति विद्यादेवी भण्डारीको सदस्यता नवीकरण गर्नुपर्ने बताएकी छन् ।
उनले पूर्वराष्ट्रपति भण्डारीलाई सदस्यता दिएर एमालेले साँच्चिकै देश बनाउने अभियानमा एकताबद्ध भएर लाग्नुपर्ने बताएकी छन् ।
बुधबारदेखि ललितपुरमा जारी दशौँ केन्द्रीय कमिटी बैठकमा बिहीबार बोल्दै उनले एमाले जनताको पार्टी भएकाले जनताबीचमा स्थापित हुनुपर्ने धारणा राखिन्।
लामाले साँच्चिकै एमाले बनाउनका लागि फेरि पार्टी रूपान्तरण, पुनर्गठन र पुस्तान्तरण हुनुपर्ने माग राखिन् ।
‘एमाले नेतृत्व सही सूचना र पहुँचबाट कमजोर भयो । हामीले वर्षौंदेखि उठाएका भ्रष्टाचारका मुद्दा ‘सुखी नेपाली समृद्ध नेपाल’मा रहेछन् । हामी खोक्रो राष्ट्रवादमा अल्झिएका रहेछौँ’, लामाले भनिन, ‘हाम्रा गल्ती-कमजोरीको ठोस विश्लेषण गर्नुपर्छ। पार्टी रूपान्तरण, पुनर्गठन र पुस्तान्तरण हुनुपर्छ।’
