काठमाडौं– सरकारले बुधबार जेन-जी प्रतिनिधि र राजनीतिक दलसँग बुधबार संवाद गर्ने भएको छ।
सरकारका प्रवक्ता एवम् सञ्चार तथा सूचना प्रविधि मन्त्री जगदीश खरेलका अनुसार बुधबार अपरान्ह ४ बजेपछि वार्ताको समय तोकिएको छ।
खरेलका अनुसार विभिन्न समूहका जेन-जी प्रतिनिधि, विभिन्न राजनीतिक दल र सरकारका प्रतिनिधिहरू वार्तामा बस्ने छन्।
यस्तै खरेलले निर्वाचनको वातावरण तयार गर्न सरकारले जे-नजी र दलहरूसँग वार्ता गर्ने लागेको बताएका छन् ।
यसअगाडि प्रधानमन्त्री सुशीला कार्कीले विभिन्न दलका प्रतिनिधिहरूलाई बोलाएर पहिलो पटक बालुवाटारमा वार्ता गरेकी थिइन्।
त्यही वार्तामा कार्कीले जेन-जी र राजनीतिक दलहरूसँग अर्को वार्ता गर्ने प्रस्ताव उनले राखेकी थिइन् ।
उक्त प्रस्तावलाई विभिन्न राजनीतिक दलहरूले स्वीकार गरेका थिए। यता जेन-जीले पनि वार्ताका लागि तयार भएको भन्दै दलहरूलाई वार्तामा बोलाउन आग्रह गरेका थिए ।
