काठमाण्डौ – माओवादी केन्द्र, नेकपा (एकीकृत समाजवादी), नेपाल समाजवादी पार्टीसहितका विभिन्न आठ समूहले आज एकता घोषणा गर्दैछन् ।
काठमाण्डौको भृकुटीमण्डप प्रदर्शनी केन्द्रमा उनीहरुले आज दिउँसो एकता घोषणा गर्न लागेका हुन् । एकता घोषणा सभालाई पुष्पकमल दाहाल ‘प्रचण्ड’, माधवकुमार नेपालसहितका नेताहरूले सम्बोधन गर्ने तयारी छ ।
माओवादी केन्द्र, एकीकृत समाजवादीसहित आठ राजनीतिक दलले गएको आइतवार १८ बुँदे सहमति पत्रमा हस्ताक्षर गरेका थिए । उनीहरुले पार्टीको नाम ‘नेपाली कम्युनिस्ट पार्टी’ (नेकपा) रहने जनाएका छन् । चुनाव चिह्न पाँचतारे तारा रहने भएको छ । तर एकतामा नजाने र असंतुष्ट यी दल र समूहका नेताहरु भने अलग्यै छलफल र अरु दलको शीर्ष नेतृत्वसँग छलफलमा जुटेका छन् ।
नेता झलनाथ खनालले एमालेका अध्यक्ष केपी शर्मा ओलीसँग उहाँकै निवास भक्तपुरको गुन्डुमा पुगेर भेटवार्ता समेत गर्नुभएको छ । माओवादी केन्द्र सहितका दलले एकता गर्ने निर्णयपछि एकीकृत समाजवादी सम्मानित नेता खनालसहितका नेताहरू असन्तुष्ट रहेका थिए ।
