काठमाण्डाै – नेपाली कांग्रेसले हिमपहिरोमा परेका स्वदेशी तथा विदेशी पर्यटकको चाँडो उद्धार गर्न माग गरेको छ ।
कांग्रेस केन्द्रीय सदस्य एवम् पर्यटन विभाग प्रमुख आङगेलु शेर्पाले आज विज्ञप्ति निकालेर हिमपहिरोमा परी उद्धारको पर्खाइमा रहेका विदेशी पर्यटक तथा नेपाली नागरिकको यथाशीघ्र उद्धार गर्न र बेपत्ता भएकाको तत्काल खोजी गर्न माग गर्नुभएको हो ।
कांग्रेसले नेपालका विभिन्न हिमालमा गएको हिमपहिरोमा परी निधन भएकाहरूप्रति श्रद्धाञ्जली व्यक्त गर्दै घाइतेको उपचार, ज्यान गुमाएका नेपाली नागरिकका परिवारलाई उचित राहतको प्रबन्ध गर्न सरकारलाई अनुरोध गरेको छ ।
दोलखाको यालुङ रीमा सोमवार हिमपहिरोमा परेका सातमध्ये दुई जनाको शव भेटिएको छ । पाँच जना हराइरहेका छन् । पदयात्रा तथा आरोहणका लागि मौसम प्रतिकूल बन्दा पछिल्लो हप्ता नेपालमा हिमाल तथा उच्च पहाडी क्षेत्रमा समस्या आएको थियो ।
