अर्घाखाँची । नेपाली कांग्रेस अर्घाखाँचीको राजनीतिक इतिहासमा पहिलोपटक जिल्ला कार्यसमितिका पदाधिकारीहरूबीच सभापति केशव श्रेष्ठको नामलाई प्रतिनिधि सभामा एकल सिफारिस गर्ने धारणा प्रबल रूपमा अघि आएको छ ।
तर सभापति केशव श्रेष्ठले सबै पक्षलाई समेटेर सहमतिको आधारमा मात्र नाम सिफारिस गर्नुपर्ने, आफूलाई मात्र प्रस्ताव गर्ने निर्णय उचित नहुने स्पष्ट अभिव्यक्ति दिएका छन् ।
यसै विषयमा आजको बैठक निर्णयमा पुग्न नसकेपछि भोलिका लागि स्थगित भएको छ । अर्घाखाँचीबाट प्रत्यक्षतर्फ ११ जना, समानुपातिकतर्फ ४ जना तथा राष्ट्रिय सभातर्फ ७ जनाले उम्मेदवारीका लागि इच्छा जाहेर गरेका छन् ।
भोलिको महत्त्वपूर्ण बैठकले प्रतिनिधि सभा प्रत्यक्ष, समानुपातिक तथा राष्ट्रिय सभाका उम्मेदवारी सिफारिसको अन्तिम निर्णय गर्ने अपेक्षा गरिएको छ ।
