अर्घाखाँची । नेपाली कांग्रेस जिल्ला कार्य समिति अर्घाखाँचीले आगामी २०८२ फागुन २१ गते हुने प्रतिनिधिसभा तथा २०८२ माघ ११ गते हुने राष्ट्रिय सभाको निर्वाचनका लागि उम्मेदवारहरूको नाम सिफारिस गरेको छ ।
जिल्ला कार्य समिति अर्घाखाँचीको मिति २०८२/०८/२५ गते सभापति केशव श्रेष्ठको अध्यक्षतामा बसेको बैठकले केन्द्रीय कार्यालयको २०८२ मंसिर १५ गतेको पत्रअनुसार छलफल गरी विभिन्न पदका लागि उम्मेदवार सिफारिस गर्ने निर्णय गरेको हो ।
सोही निर्णयअनुसार उम्मेदवारहरूको नामावली नेपाली कांग्रेस लुम्बिनी प्रदेश कार्यसमितिमा पठाइएको जिल्ला कार्य समितिले जनाएको छ । प्रतिनिधिसभा (प्रत्यक्ष तर्फ) का सिफारिस उम्मेदवारहरू (नेपाली वर्णानुक्रम अनुसार): कमल प्रसाद भुसाल, जयबहादुर टण्डन, ताराप्रसाद श्रेष्ठ, बाबुराम पौडेल, विष्णु प्रसाद खनाल, मुक्तिराम श्रेष्ठ, रेवती प्रसाद भुसाल र लेखनाथ पोखरेल ।
प्रतिनिधिसभा (समानुपातिक तर्फ) का सिफारिस उम्मेदवारहरू: पुष्पा गौतम भुसाल (महिला), निर्मला क्षेत्री (महिला), मणिराम परियार (महिला), ललिता सुनार (दलित), विष्णु प्रसाद अर्याल (दलित महिला) र राजेन्द्र के.सी. (खस आर्य–पुरुष) राष्ट्रिय सभा तर्फ सिफारिस उम्मेदवारहरू: डा. रामबहादुर बिसी, पिताम्बर भुसाल र बालकृष्ण पाण्डे ।
जिल्ला कार्य समितिले पार्टीको विधान, समावेशी सिद्धान्त र संगठनात्मक आवश्यकतालाई ध्यानमा राखी उम्मेदवार सिफारिस गरिएको जनाएको छ । उम्मेदवार सिफारिसको बोधार्थ नेपाली कांग्रेस केन्द्रीय कार्यालय, सानेपा समेत पठाइएको बताइएको छ ।
