काठमाण्डाै – नेपाली कांग्रेसको विशेष महाधिवेशन पक्षधरले पार्टीलाई स्मरण पत्र बुझाएका छन् । पूर्वनिर्धारित नियमित महाधिवेशनमा अलमल देखिएपछि विशेष महाधिवेशन पक्षधरले आज स्मरण पत्र बुझाएका हुन् ।
पार्टी केन्द्रीय कार्यालय सानेपा ललितपुरमा कार्यवाहक सभापति पूर्णबहादुर खड्कालाई स्मरण पत्र बुझाउँदै अब विशेष महाधिवेशन सुनिश्चित गर्न माग गरिएको छ । पत्रमा २ हजार ४ सय ८८ जना महाधिवेशन प्रतिनिधिको हस्ताक्षरसहित गएको असोज २९ गते पार्टी केन्द्रीय कार्यालयमा निवेदन दर्ता गरेको उल्लेख छ ।
त्यस्तै पत्रमा तोकिएको समयमा १५औं महाधिवेशन नभए स्वतः विशेष महाधिवेशन हुनुपर्ने व्यवस्थाको स्मरण समेत गराइएको छ । महामन्त्री गगन थापाले विशेष महाधिवेशन अनिवार्य बनेको बताउनुभएको छ ।
