काठमाडौं – नेपाली कांग्रेसका महामन्त्रीद्वय गगन थापा र विश्वप्रकाश शर्माले संस्थापन पक्षलाई चुनौती दिँदै विशेष महाधिवेशन गरेका छन्।
आइतबार उद्घाटन भएको महाधिवेशन व्यवस्थापन उपसमिति अन्तर्गत प्रचारप्रसार संयोजक सुवास पोखरेलका अनुसार अहिलेसम्म २६ सय ६२ जनाले हस्ताक्षर गरिसकेका छन्। अब सोमबार बिहान ८ बजेदेखि हस्ताक्षर खुला हुनेछ ।
उनका अनुसार विशेष महाधिवेशनमा सहभागी हुने प्रतिनिधिको संख्या दुई हजार ६६२ पुगेको हो । यो भनेको कूल महाधिवेशन प्रतिनिधिको ५६.१२ प्रतिशत हो ।
असोजमा विशेष महाधिवेशनको माग गर्दा ५४ प्रतिशत प्रतिनिधिको हस्ताक्षर थियो । २०७८ को कांग्रेस महाधिवेशनमा कांग्रेसका ४७ सय ४३ प्रतिनिधि थिए ।
यसरी हेर्दा गगन–विश्वप्रकाशले बोलाएको विशेष महाधिवेशनमा दुई हजार ८० प्रतिनिधि उपस्थित भएका छैनन्। नेपाली कांग्रेसको विधानमा महाधिवेशनमा ५१ प्रतिशत मत कटाउनुपर्छ।
महाधिवेशन प्रतिनिधिको सुझाव अनुसार अब विशेष महाधिवेशन अगाडि बढ्ने विश्वास गरिएको छ । यो उपस्थितिले सभापति शेरबहादुर देउवा र संस्थापन पक्षलाई ठुलो धक्का दिएको छ ।
