रौतहट । आउँदो निर्वाचनलाई लक्षित गर्दै रौतहट–४ का विभिन्न बस्तिमा गरिएको मतदाता भेटघाटका क्रममा आम जनता पार्टी (आजपा) की केन्द्रीय उपाध्यक्ष एलिजा गौतमले स्थानीयवासीबाट छोरीसमान माया, स्नेह र आशीर्वाद प्राप्त गर्नुभएको छ । घर–घरमा पुगेर भोट माग्दा देखिएको आत्मीयता, भरोसा र उत्साहले सम्पूर्ण क्षेत्रको चुनावी माहोल थप सकारात्मक बनेको छ ।
जनतासँग प्रत्यक्ष संवाद गर्दै स्थानीय समस्या सुन्ने र समाधानको स्पष्ट प्रतिबद्धतासहित अघि बढिरहेकी गौतमलाई स्थानीयले “मोबाइल_छाप_जिन्दाबाद” भन्दै उत्साहजनक समर्थन व्यक्त गरेका छन् ।
यसै क्रममा आम जनता पार्टी (आजपा) का रौतहट–४ का उम्मेदवार ऋषि धमलाले प्रत्यक्षतर्फ आफूलाई तथा समानुपातिकतर्फ पार्टीलाई मोबाइल छापमा मत दिन आग्रह गर्नुभएको छ ।
जनतासँगको निकटता, सरल स्वभाव र सक्रिय उपस्थितिका कारण ऋषि धमलाको पक्षमा जनसमर्थन तथा जनलहर तीव्र रूपमा बढ्दै गएको देखिएको छ ।
स्थानीयवासीको माया, विश्वास र सक्रिय सहभागिताले आउँदो निर्वाचनमा आजपा उम्मेदवार ऋषि धमलाको विजय सम्भावना अझ मजबुत बन्दै गएको विश्वास व्यक्त गरिएको छ ।
