रुकुम । रुकुम पश्चिमको सानीभेरी गाउँपालिका–११ का राष्ट्रिय स्वतन्त्र पार्टी ९रास्वपा० का वडा सभापति नवराज वली नेपाली कांग्रेसमा प्रवेश गरेका छन् ।
आगामी फागुन २१ गते हुने प्रतिनिधि सभा सदस्य निर्वाचनलाई लक्षित गर्दै कांग्रेस उम्मेदवार राजु केसीको घरदैलो अभियानअन्तर्गत काफलबोटमा आयोजित कार्यक्रममा वलीसहित तीन जना नेता कांग्रेसमा प्रवेश गरेका हुन् ।
कांग्रेसमा प्रवेश गर्नेमा रास्वपाका वडा सभापति नवराज वलीसँगै नेपाल कम्युनिष्ट पार्टीका लोकबहादुर खड्का र तिलक रोकाय रहेका छन् । नवप्रवेशी नेताहरूलाई उम्मेदवार केसीले फूलमाला र अबिर लगाएर पार्टीमा स्वागत गरेका थिए ।
यसबारे नेपाली कांग्रेस सानीभेरी गाउँपालिकाका उपसभापति सम्राट क्षेत्रीले जानकारी दिए । पार्टी प्रवेशपछि बोल्दै वडा सभापति वलीले जनताको अपेक्षा अनुसार काम गर्न सक्ने सक्षम र जिम्मेवार नेतृत्व आवश्यक भएकाले आफूले नेपाली कांग्रेस रोजेको बताए ।
विकास, सुशासन र लोकतान्त्रिक मूल्य–मान्यताको संरक्षणका लागि कांग्रेस नै उपयुक्त शक्ति भएको उनको भनाइ थियो । नवप्रवेशी तीनै जनाले आगामी निर्वाचनमा नेपाली कांग्रेसका उम्मेदवारलाई विजयी गराउन सक्रिय भूमिका निर्वाह गर्ने प्रतिबद्धता व्यक्त गरेका छन् ।
कार्यक्रमलाई सम्बोधन गर्दै उम्मेदवार राजु केसीले विभिन्न दल परित्याग गरी कांग्रेसमा प्रवेश गर्ने क्रम बढ्दै गएको उल्लेख गर्दै यसले कांग्रेसप्रतिको जनविश्वास झन् मजबुत भएको बताए ।
केसीले समावेशी विकास, रोजगारी सिर्जना, पूर्वाधार विस्तार र सुशासनलाई आफ्नो प्रमुख प्राथमिकताका रूपमा अघि बढाउने प्रतिबद्धता व्यक्त गरे ।
