अर्घाखाँची । नेपाली कांग्रेसका प्रतिनिधिसभा सदस्य उम्मेदवार विष्णु प्रसाद खनाल “मुस्कान” लाई विजयी गराउने उद्देश्यले मालारानी गाउँपालिकाका सम्पूर्ण वडाहरूमा अनुगमन, मूल्याङ्कन, तथ्याङ्क संकलन तथा परिचालन कार्यलाई तीव्रता दिइएको छ ।
यसै सन्दर्भमा लुम्बिनी प्रदेश सभा नेपाली कांग्रेस संसदीय दलकी पूर्व सचेतक निर्मला क्षेत्रीलाई संयोजकको जिम्मेवारी प्रदान गरिएको छ । जसअनुसार मालारानी गाउँपालिका–३ आरुबुटा लगायतका क्षेत्रमा व्यापक घरदैलो कार्यक्रम सम्पन्न गरिएको छ ।
कार्यक्रमका क्रममा मतदातासँग प्रत्यक्ष भेटघाट, जनसंवाद तथा चुनावी एजेण्डाबारे जानकारी गराउँदै कांग्रेसको पक्षमा समर्थन जुटाउने कार्य गरिएको थियो। संयोजक नेतृ क्षेत्रीले जनताको विश्वास जित्दै विकास, सुशासन र समृद्धिका लागि खनाललाई विजयी गराउन अपिल गर्नुभएको थियो।
स्थानीय कार्यकर्ता तथा समर्थकहरूको उत्साहजनक सहभागिताले मालारानीमा कांग्रेसको माहोल थप सशक्त बन्दै गएको जनाइएको l
