काठमाण्डाै – राष्ट्रियसभाका नवनिर्वाचित सदस्यहरूको शपथ आउँदाे साेमवार फागुन २५ गते हुने भएको छ ।
सिंहदरबारमा रहेको कानून, न्याय तथा मानव अधिकार समितिको हलमा सोमवार दिउँसो २ बजेका लागि शपथ ग्रहणको समय तय गरेको सङ्घीय संसद् सचिवालयले जनाएको छ । राष्ट्रियसभाका अध्यक्ष नारायणप्रसाद दाहालले निर्वाचित सदस्यलाई शपथ गराउनुहुनेछ ।
राष्ट्रियसभाको चुनाव गएको माघ १९ गते भएको थियो । चुनावबाट १८ जना सदस्य निर्वाचित भएका छन् । ५९ सदस्यीय राष्ट्रियसभामा एकतिहाइ सदस्यका लागि हरेक दुई–दुई वर्षमा चुनाव हुन्छ ।
यही फागुन २० गते १९ जनाको कार्यकाल सकिएकोमा एक जना भने सरकारको सिफारिसमा राष्ट्रपतिले मनोनीत गर्ने व्यवस्था छ ।
