काठमाडौं । लुम्बिनी प्रदेशमा १२ वटा निर्वाचन क्षेत्रमा मतगणना सुरु भएको छ ।
कुल २४ वटा निर्वाचन क्षेत्र रहेको लुम्बिनीमा आधा निर्वाचन क्षेत्रमा मतगणना सुरु भएको हो ।
यसरी मतगणना सुरु भएका क्षेत्रहरुमा कपिलवस्तु–३, दाङ–१, बाँके १, २, ३ सबै रुपन्देही १, २, ३, ४, र ५, बर्दिया २ र रुकुम पूर्व–१ रहेका छन् ।
मतगणना सुरु भएका क्षेत्रमध्ये ८ वटामा रास्वपा अगाडि छ । एमाले २ वटा, काँग्रेस र नेकपा एउटा अगाडि देखिएका छन् ।
बाँके २ मा एमालेका मोहम्मद इस्तियाक राई, रुपन्देही–४ मा एमालेकै प्रमोद कुमार यादव अगाडि छन् । कपिलवस्तु–३ मा काँग्रेसका अभिषेक शाह तथा रुकुम पूर्वमा नेपाली कम्युनिस्ट पार्टीका पुष्पकमल दाहाल अगाडि हुँदा बाँकी सकै क्षेत्रम रास्वपा अगाडि देखिएको छ ।
बाँकी क्षेत्रमा भने अहिलेसम्म मतगणना सुरु हुन सकेको छैन ।
