काठमाडौँ । नेपाली कांग्रेसका महामन्त्री प्रदीप पौडेलले आफूलाई पराजित गर्ने राष्ट्रिय स्वतन्त्र पार्टीका सस्मित पोखरेललाई बधाई दिएका छन् ।
काठमाडौँ–५ मा पौडेललाई पराजित गर्दै पोखरेल निर्वाचित भएका थिए ।
पोखरेलले ३० हजार ७३७ मत ल्याएर निर्वाचित हुँदा निकटतम प्रतिद्वन्द्वी बनेका पौडेलले ९ हजार १५९ मत ल्याएका थिए ।
शनिबार बिहान सामाजिक सञ्जाल फेसबुकमा पौडेलले पराजित भए पनि काठमाडौँ–५ का जनताको सुख दुःखमा साथ दिने लेखेका छन् । ‘काठमाडौँ ५ बाट प्रतिनिधि सभा सदस्य निर्वाचित हुनुभएकोमा सस्मित पोखरेलजीलाई हार्दिक बधाई,’ पौडेलले लेखेका छन्, ‘यस यात्रामा मलाई मत तथा साथ दिनुहुने तपाईँ सबैप्रति कृतज्ञ छु । तपाईंको सुख अनि दुःखमा निरन्तर साथमै रहनेछु ।’
लोकतान्त्रिक प्रक्रियामा सहभागी हुनु हुने सबैलाई धन्यवाद दिएका छन् ।
