‘काठमाडौं । सर्लाही निर्वाचन क्षेत्र नम्बर–४ को प्रतिनिधिसभा उपनिर्वाचनमा प राजित भएका नेपाली कांग्रेसका नेता गगन थापालाई उनकी पत्नी अञ्जना थापा केसीले भावुक सन्देश दिएकी छन्।
सामाजिक सञ्जालमार्फत उनले यो हार केवल निर्वाचनको परिणाम मात्र भएको उल्लेख गर्दै गगन थापाको विचार, भिजन र राजनीतिक यात्रालाई कसैले रोक्न नसक्ने विश्वास व्यक्त गरेकी छन्।
अञ्जना थापाले गगन थापालाई थाक्न नहुने भन्दै यदि उनी थाकिए भने देशको ठूलो सपना पनि थाक्ने उल्लेख गरेकी छन्। उनले गगनको आवाज अब संसदभित्र मात्र सीमित नरही हरेक नेपालीको मनमा न्याय र परिवर्तनको झिल्को बाल्ने शक्ति बन्नुपर्ने बताएकी छन्।
उनले सन्देशमा लेखेकी छन्, “हिजो तिमी एक्लै थियौ होला, तर आज लाखौँ मनहरूले तिम्रो विचार र भिजनलाई साथ दिएका छन्। विश्राम लेऊ, आफैँलाई फेरि बटुल, तर याद राख, देशलाई तिम्रो आवश्यकता अझ बढेको छ।”
थापाले गगन थापाको निष्ठा र संघर्षपूर्ण यात्राप्रति आफूलाई सधैं गर्व रहेको उल्लेख गर्दै आगामी दिनमा उनी पुनः उठ्ने विश्वास व्यक्त गरेकी छन्। “तिम्रो निष्ठा र अजेय यात्रामा मलाई सधैं गर्व थियो, छ र रहिरहनेछ।
तिमी फेरि उठ्नेछौ, किनकि तिमी गगन हौ, जसलाई कुनै सीमाले रोक्न सक्दैन,” उनले लेखेकी छन्। उनको यो सन्देशले अहिले सामाजिक सञ्जालमा व्यापक रूपमा साझा हुँदै चर्चा बटुलिरहेको छ।
