काठमाडौँ । नेपाली कांग्रेस केन्द्रीय अनुशासन समितिको बैठक संयोजक तारामान गुरुङको संयोजकत्वमा पार्टीको केन्द्रीय कार्यालय बी.पी. स्मृति भवन, बी.पी. नगर, ललितपुरमा सम्पन्न भएको छ ।

बैठकले पार्टीभित्र अनुशासन कायम राख्ने र संस्थागत प्रक्रियालाई सुदृढ बनाउने उद्देश्यसहित महत्त्वपूर्ण निर्णयहरू गरेको छ । समितिले अनुशासन उल्लंघनसम्बन्धी प्राप्त उजुरीहरूको प्रारम्भिक अध्ययन गर्ने निर्णय गरेको छ भने ती उजुरीहरूलाई व्यवस्थित रूपमा समीक्षा गरी आवश्यक प्रक्रिया अघि बढाइने जनाएको छन।

साथै, नेपाली कांग्रेस केन्द्रीय अनुशासन समितिको कार्यविधि-२०८२ को उपदफा (१.१) बमोजिम पार्टी केन्द्रीय कार्यालयका सह-सचिव दिनेश थापा मगरलाई समितिको सचिवमा नियुक्त गर्ने निर्णय पनि बैठकले गरेको छ ।

समितिले पार्टीभित्र अनुशासन कायम राख्दै संस्थागत प्रणालीलाई अझ प्रभावकारी बनाउने दिशामा कदम चालिएको बैठकका निर्णयहरू का.वा. मुख्य सचिव कृष्णप्रसाद दुलालद्वारा जारी गरेको प्रेस विज्ञप्तिमा उल्लेख गरेको छ l